Messopedia: காடழித்தலின் தீமைகள் மற்றும் காடு வளர்ப்பின் நன்மைகள்

காடழித்தலின் தீமைகள் மற்றும் காடு வளர்ப்பின் நன்மைகள்

மனித வாழ்க்கையில் மரங்கள் முக்கியப் பங்கு வகிக்கின்றன அது நமக்கு உண்ண உணவு , சுவாசிக்க நல்ல காற்று, நோயின்றி வாழ மூலிகைகள் , இருப்பிடம் மற்றும் பல நன்மைகளை தருகின்றது. ஆனால் நாம் அதன் அருமையை உணராமல் வெட்டி விழ்த்துகிறோம. இத்தகைய செயல்களின் மூலம் நம்மை அறியாமல் காடுகளின் வளங்களை அழித்துக் கொண்டு வருகிறோம். இதனைத்தான் ஆங்கிலத்தில் Deforestration என்கின்றனர்.

காடுகள் அழிவதற்கான காரணங்கள் :

அதிக நிலப்பரப்பு உள்ள விவசாய நிலங்களை அமைக்க.
சமையல் எரிபொருளுக்காக.
வீடு கட்டுவதற்காக.
வணிகம் செய்வதற்காக.
காகித உற்பத்திக்காக.
கலை மற்றும் கைவினை பொருட்களுக்காக.
நில சுரங்கம் அமைப்பதற்காக

காடுகளை அழிபதனால் ஏற்படும் விளைவுகள் :

1. மண்ணரிப்பு:

சூரிய கதிர்கள் நேரடியாக மண் மீது விழுவதனால் அதனுடைய ஈரப்பதம் குறைந்து, அதன் சத்துக்கள் வெளியேறி, நுண்ணுயிர்கள் அழிந்து மண்ணின் மக்கும் தன்மை குறைந்துவிடுகின்றது.
இதனால் மழை பொழியும் பொழுது மண்ணரிப்பு உண்டாகி நிலச்சரிவுகள் ஏற்படுகின்றன.

2. இனங்களின் இழப்பு :

உலக அளவில் 70 சதவிகித தாவரங்கள் மற்றும் விலங்குகள் காடுகளில் வாழ்கின்றன. காடுகள் அழிக்கப்படுவதினால் அவற்றின் உரைவிடங்களும் அழிக்கப்படுகின்றன. ஆகையால் அவைகளின் இனமே அழியக்கூடிய நிலைமை உருவாகின்றது.

3. கார்பன் வெளிப்படுத்துதல்:

தாவரங்கள் கரிவளி வாயுவை உட்கொண்டு தனக்கு தேவையான உணவை தயார் செய்து நாம் உயிர் வாழத் தேவையான பிராணவயுவை வெளியேற்றுகின்றன.காடுகளை அழிப்பதனால் பிராணவாயுவின் அளவு காற்றில் குறைகின்றது.

4. நீரியல் சுழற்சி :

நீரியல் சுழற்சி ஏற்பட மரங்கள் பெரிதும் உதவுகின்றன. நிலத்தில் இருக்கும் நீரை தனது வேர்களால் உரிந்து காற்றில் வெளிவிடுகின்றன (evaporation ). இத்தகைய செய்முறையால் மழைப்பொழிவு உண்டாகின்றது.